العائلة عراقية والماء الحار
الأب : أستيقظت على صوت المنبه (هاونات) فجرا لاكتشف انه موعد الصلاة حاولت أن افتح عيناي ولكن هناك ضوء يمنع عيني من ان تفتح بسهولة..يالله ..يالله..هل هي الكهرباء الوطنية ؟؟؟ ...بصراحة العراقيين صاروا كالخفافيش
حيث يصعب عليهم تمييز الاشياء وتحسسها بالنور..لان الكهرباء الوطنية مفقودة
منذ اكثر من ................... ومولدة الشارع تشكي الى الله الكاز..
توجهت الى الحمام بعد ان تاكدت من الكهرباء الوطنية عادت وتسللت بهدووووووء تام لاستفرد بالماء الحار لوحدي لكني فوجأت من ان ابني وابنتي يتشاجران من اجل الماء الحار على باب الحمام...
البنت (دكتوراه علوم سياسية ودكتوراه فلسفة) : ليدي أز فيرست يا قليل الذوق...شوكت تبطل عادات مجتمعات الشرق وتتخلى عن غريزة الرجل التسلطية لاذلال المراة ومنعها من ابسط حقوقها
الولد : اليوم عندي دوام بالكلية..هاي فرصتي فرصة عمري وشبابي .اذا غسلت
يعني اكدر اليوم اروح اصارح..
البنت : انتظر ورة الخطة الامنية ..اكو امل بالكهرباء ومشاريع الاعمار .. فرحة مصارحتك وفرحة الخطة الامنية والمشاريع
الاب: لا انت ولا هي..الوالدان اولى بالمــــــــــــي الحــــار..
استيقظت الأم فجاة على كلمة المي الحار (ماادري شلون سمعتها (وجاءت تهرول:
امــــــــــك ثم امــــــــــــــك ثم امــــــــــــك..ثم ابوك...
اثناءها تدخلت انا ( الاب) وذكرتها بايامنا وحلفتها بالعشرة والمودة
وصلات القربى ان تترك لي الماء الحار
قالت الام للاب : انت ما تحتاج المي الحار مثلي...انت نص راسك اصلع والنص
الثاني شعراية ونص..
الابن: مستقبلي العاطفي ..مرتبط بالمي الحار..اذا انطيتوني الحمام اليوم وعد مني ماجي يم الحمام لشهر آب اللهاب..
البنت ( تدرس سياسة فوكاها) : ان اعتداء الاسرة على حقوق البنت في المي الحار بعد حرمان طويل الامد تعود اسبابه الى حقد غريزي على المراة في مجتمعات الشرق المتخلفة..لان الرجل لايهتم بمشاعرها ( حكة الجلد والهرش) ويتصرف بأنانية ليثبت رجولته من خلال الاستيلاء على ثروات الحمام وتصفية الماء الحار من البوري واستغلاله لصالحه الشخصي..وهي من رواسب الرأسمالية الكلاسيكية..
الابن: يعني الكل عبالهم اني اسمر ..مايدرون الوسخ صار برونزي على جلدي
..والله لو اميرة احلامي تدري اني بالحقيقة ابيض..اكيد تغير رأيها 180 درجة...
الاب: الموظف النظيف يزيدون راتبه..هذا قرار من الكتلة النظيفة اللي ترأست
وزارة النظافة من الايمان (المقصود بها اما وزارة البيئة او هيئة النزاهة
او الصحة..فهي كلها مرتبطة بالنظافة
واخيرا تدخلت الحكومة الوطنية المنتخبة لوقف النزاع الاهلي وحفاظا على
كيان الاسرة من التصدع فقامت بقطع الكهرباء نهائيا
ما لحك يحمى المي ويافرحة ماتمت
تحياتي
**** زهرة البنفسج ****
