من حلاتك كلها تحجي واني غامرني السكوت
خفت لا احجي بحلاتك يصعد السكر وامـــوت
من جمالك كلها توكف واني كاعد مستريح
مو لأن مامنتبهلك بس خاف من اوكف اطيح
انت اجمل ذكرى عندي وأحلى كل الذكريـات
انت دجله بليله كمره تغازل عيون الفرات
يندار كل العمر حبك فلا ينــــــدار
بعيوني شوكك حلم وبكلبي الك تذكـار
انت الامل ولأهل وانت الجـــــــــار
ساعات حبك ثلج ساعات حبك نــــــار
وحبك سوالف طفل حبك بحر واســــرار
وحتى عذابك حلووو لو تدري بيه شصار
ألك دار بدليلي وعامره سنين وحك ربك فلا يسكنها ثانــي
وألك جرح بدليلي وما اداويه اريده يضل يعذبني واعانـي
وألك جنه بدليلي مخضره ورود تفوح اطياب لو طيفك اجاني
وألك نار بدليلي وباب من ويل ولاكولن جمر حبك جوانـــي
ألك مدري شألك ضيعت الحساب اذا انساك ريت الله عمانــــي
ألمن اسهر ليلي بعدك والمن اقـــــــــره
والمن اشكي اهموم كلبي من تصير ايامي مره
انت ماخذ كلشي مني عايش بنص عمري جمـــره
لادمع مر وطفاها ولانفع صبر الاصبــــــــره
ياغرامي وكل شبابي ويا أعز واحلى ذكـــرى
شنسه منك وانت عمري ومنهو يكدر ينسه عمره
اسمك بكلبي كتبته وعلزند دكيته بأبــــره
أريد اشكي عذاب الروح كونك عاد تسمعني
واريدك بالوفى وياي ابد ماتخون توعدني
اشكيلك مرار وضيم والحسرات سلتنـــــي
يلطيفك يعذب الروح نص الليل كعدنــــي
انا شسويت غير الخير ليش الوكت تاعبني
ليش الحظ عكس وياي هم يريد يلعبنــــي
وياك وعليك وبيك سؤال زغير جاوبنــــي
عيونك هم تسيل دموع لو فديوم تذكرنــي
تحياتي // محمد البغدادي
