حضنتك بلحلم و ادري الحلم جذاب
شبكتك بلحلم ودري الحلم جذاب
وحس جني بشبكتك شبكه عذريه
طولك مثل طول ومايشبهك طول
كلك مدري شنهو تكول حوريه
هاي عيون عندك لوبحر قزوين
لو دجله وفرات بكل معانيه
خصرك عرض معظد وتلزمه جفوف
وجدامك وصفهن ميه بلميه
لؤلؤ من جبينك لوعركت ايطيح
بس جفك يلوك ايصير جفيه
مايلزم شعرك جنه مثل الماي
وتمشطه الفراشه بورده جوريه
اترف من ترافة وردت البستان
ولا مثلك بشر ع الكره الارضيه
ارمش ماصدك ولله اضوكن بيك
وتلمس بطولك خاف برحيه
لوحه تكول جنك لو نحت منحوت
يمكن مو بشر وجذب عليه
برأه تفيض اشوفك عاطفه وحساس
من كلبك اشوفك تفيض حنيه
انته اعذرني خاف اجيت بشوك
ماشوفك كمت بس مره يوميه
رايح لاتكلي انساها مال تروح
حاسب حياتك عندي بس جيه
كاعد بيه انته وانه اكولن وين
اشوجنك بعيد اتقرب شويه
يم خدك اريد اتحطني ترجيات
حتى اكدر ابوسك اني يومي
الوردة الحمراء
