حياتي عكب شخصك شلي........ بيهه
وجميع اعضاي صارت شله ......بيهه
توديلي رسايل شلي .......بيهه
اريدن شوفتك والكعده سويه
اريد اهجره لحبكم بعد ...مارد
چي حبكم صفى لچلاي ...مـــــارد
اگله هاك عيوني اخذهه يگول ...ماريد
اگصصهن لو بعد تنطيك ادية
مرة دمع العين ينشف..مرة سايل
و احيرنه شكتبلهم..من رسايل
مرة انشد عليهم..مرة سايل
و انا منهو الذي ينشد عليّه
الف وسفة الوكت عنك .. بعدني
اموت وارتجي وصلك .. بعدني
تراني على العهد باقي .. بعدني
ويضل هذا العهد للموت بيه
احبابنه شلون حالتكم..بَعدنه
شبيدينه و الدهر عنكم..بعدنه
اذا انتو نسيتونه..بعدنه
بذكركم كل صباح و كل مسية
تحياتي// مها البصراوية
